الله يجنّب من نحب الصواديف=اللي لهم بالقلب قدر ومعزّه

**محبوبك المظلوم** السبت نوفمبر 06, 2010 1:02 pm

بسم الله الرحمن الرحيم

الله يجنّب من نحب الصواديف=اللي لهم بالقلب قدر ومعزّه
غلاهم اكبر من غلاة المواليف=يطري عليّه ذكرهم كل حزّه
غلا من الله منغرز دون تكليف=مثل غلا مكه وطيبه وغزّه
القرب منهم يعطي النفس تشريف=والبعد حد السيف قلبي يجزّه
ياحي شوفتهم وحي السواليف=وكلٍ بفعله مع ربوعه يرزّه
ربعٍ علاهم يوم راحوا تحاسيف=سهم الغلا والبعد جاري مغزّه
برسل لهم قافٍ بوسط المظاريف=من صاحبٍ شوقه علاهم يوزّه
يالله عساهم سالمين التخاليف=اللي من الزلات كلٍ منزّه
وصلاة ربي فوق روس المشاريف=للي مع اسمه ياخذ القلب فزّه

وسلامتكم

الشاعر/ حمدي فيحان الشيباني
(منقوله)