الهقوه اللي من علا عال العلالي راسيه حمدي فيحان بن سحمان الشيباني

**محبوبك المظلوم** السبت نوفمبر 13, 2010 6:23 am

الهقوه اللي من علا عـال العلالـي راسيـه
مع هبة ارياح الغدر طاحت على كف النـدم
طعنة ظهر من خنجر الصاحب بغلّ ٍ كاسيـه
دامه بنى قصـر المعـزّه ليـه يرجـع للهدم
وان كان شمطان اللحى ترضى بفعله خاسيـه
يعني على الدنيا سلام ولابقـى غيـر العـدم
ولا واهنيّـك يالعقـول اللـي لمثلـه ناسيـه
ماهوب مثل اللي زرع وأمن المحاصيل انصدم
لكنّ خذها ضربـةٍ مـن هاجسـي متواسيـه
مانيب ضمن الحاشيه ماني بعد ضمن الخـدم
انا ترانـي مـن رجـالٍ بالملاقـى قاسيـه
لادق ناقوس الخطر ضاري على سوق القـدم
واللـي كسبتـه درس والدنيـا دروسٍ آسيـه
اتعلم اللي مافطن يفطـن قبـل يـوم الـردم

وسلامتكم

الشاعر/ حمدي فيحان ابن سحمان
(منقوله)