ياصاحبي والله محـدٍ درى عنـك

**محبوبك المظلوم** السبت نوفمبر 13, 2010 6:40 am

ياصاحبي والله محـدٍ درى عنـك
يلي عن العليا قصـارٍ خطاويـك
انا وغيري عارفٍ ويـش معدنـك
لو كان تلبس بشت مانيب غاويـك
ياتنك يابن التنك مايسبـك التنـك
خل الترزز بالمجالـس وبعطيـك
علمٍ يخلي بـارد الحيـل يذعنـك
ولاّ الرجـال الوافيـه ماتخاويـك
طبّل لك المصروع واعطيته افرنك
من شان عند الناس بالشيخ يدعيك
يشتال لك شنطه ومن بنك في بنك
يلقط وراك اللي سقط من معاليـك
وابصم بعشره لاضواء الليل يطعنك
اللي ضحك بالسن بالرمـح يقفيـك
مابه زكاه ولاحصل خيرها منـك
والبيت نوره في ظلامـه يحاليـك
معطى ومحروم وغدة عيشتك ضنك
يالله دخيلك مـن حيـاة المهاليـك
مثل النعامه ينعرف وين موطنـك
مادام جاك الموت والسيل حاديـك
المرجله يبغى لهـا واحـدٍ حنـك
اللي يفكـك معضـلات الشرابيـك
ولاّ انت منت بشيخ محدٍ درى عنك
لو كان تلبس بشت مانيب غاويـك

وسلامتكم

الشاعر/ حمدي فيحان ابن سحمان
(منقوله)