سالفة نوره

الطاولـه والكرسـي الـدوّار وهمـوم اللـيـال
داخل قصر والعنكبوت اللـي نسـج خابورهـا
منه المحال انه يصيـر ونستقيـن انـه محـال
ممنوع ندخـل داخلـه والكـذب شيّـد سورهـا
ياحقوق مدري ياضياع الحـق يامـال الـزوال
ياكذبـةٍ فيهـا الخلايـق تكتشـف دستـورهـا
ايـلا متـى ظلـم الاوادم والجشـع والاغتيـال
ايلا متـى حجـب السعـاده لاتـوارى نورهـا
ليه الهمـاج اللـي نذوقـه مـا يبـدّل بالـزلال
ايلا متى منظورهـا منتـوج عـرج وعورهـا
ايلا متى النفس الرديّه تنجـرف خلـف الريـال
واعزاز الانفس من سببهـا مختلـف طابورهـا
في كل يوم الشمس تشرق بينها وبيـن الـزوال
كلٍ ورى رزقه سعـى والنـاس تـدّي دورهـا
لكـنّ لاحـل الـزوال وقبلهـا طـال الظـلال
بداية الضيقـه علـى العالـم تتـك اصدورهـا
تحالفت كل الهموم امن الجنـوب اليـا الشمـال
تـلاوذ عيـون الخلايـق والسهـر ناظورهـا
تطري عليّه سالفـة نـوره واعـدّي بالطـوال
قصه حزينه والدمـوع اللـي بـدت بسطورهـا
كرسي متحرك ضمّها والامنيـه صعبـة منـال
تحسد عجوزٍ لا مشـت تسنـد علـى باكورهـا
والحلم وتـدّ بالضلـوع اوتـاده اوتـاد الجبـال
والهـم نجـمٍ لاهـوى ايقنـت بنّـه جـورهـا
تخمهـا ازمـة نفـس وتفكهـا عقـب القـتـال
والدمعه اللي حايـره يشـرق بهـا حنجورهـا
مكسورة الخاطر نديمة هـم مقطوعـة وصـال
ياكسرة الخاطر عليها كيـف جبـر اكسورهـا
تصرخ بصوت اليائسه واسمع شجن طرق الحبال
تشكي ملايلها علـى الكرسـي تعـد اشبورهـا
هينا اكتشفت المعضله ويـدور داخلهـا سـؤال
ايلا متـى حجـب السعـاده لاتـوارى نورهـا


وسلامتكم




الشاعر/ حمدي فيحان ابن سحمان
(منقوله)